लोक गीत

चलौ सखी लागल अगहनवा,मगन मन झूमत किसनवा।झूमत किसनवा हो झूमत किसनवा,चलौ सखी लागल अगहनवा मगन मन झूमत किसनवा।।
हरी अरहरिया कै देखबै बहरिया,बैठि बैठि पिया के सदनवा।मगन मन झूमत किसनवा।
झूमत किसनवा हो झूमत किसनवा।चलौ सखी लागल अगहनवा मगन मन झूमत किसनवा।।
देहरी बखारी भरी भरा खरिहनवा,अनधन से भरिगा भवनवा।मगन मन झूमत किसनवा।
चलौ सखी लागल अगहनवा।मगन मन झूमत किसनवा।।
छोटा परिवार मोर,हरी खेती बरिया,खुशियन से भरिगा भवनवा।।
मगन मन झूमत किसनवा।चलौ सखी लागल अगहनवा।मगन मन झूमत किसनवा।
दूध पूत पूरिला है अपनो दुवरिया सगुन सजावें ला सजनवा।
मगन मन झूमत किसनवा।झूमत किसनवा हो झूमत किसनवा।।
चलौ सखी लागल अगहनवा मगन मन झूमत किसनवा।।
(2)
कटिहैं धान तौ लउबै धनिया तोहै झुलनिया,
गहनवा गढ़वैबै सजनी।।
ख्यातन अपने भरा लबालब म्याढ़न लै लै पनिया’,
लहर लहर लहराय खेत मा धनवा मोरि सजनिया।
लटकै अंगूरन जस बाली वारी धनिया।।
ह्वैहै धान तैयार जबै हम लै मण्डी का जैबै,
नोटन की गड्डी लै गोरिया हम घर वापस ऐबै।
सारी लउब बनारस वाली संग लटकनिया।।
नागपूर से हम मंगवैबै धनिया तोरि नथुनिया,
जय पुर से चोली मंगवैबै केरल केरि कंगनिया।
लाइब कानपूर से गोरी कै करधनिया।।
जाय आगरा लाउब घांघरा हम तुम का पहिरैबै,
चूड़ी लाय फिरोजाबादी झांसी से झुमका लैबै।
तोहिका साजि संवार घुमौबै शहरउवा।।