राजस्थानी पावस गीत

चार दिना रो जोबनो, कोई ना करज्यो देर।
पल दो पल का जीवणा, फेर दिना रे फेर।

बलम जी ! आई बरसण री रूत, देश म्हँ देश म्हँ।
थे करज्यो ना मत देर पीव जी !
आओं जी आओं देश म्हँ, देश म्हँ।
आकासा माँँय चमक्कै बिजली, बिजली !
घम घम घूघराँ सा घमक्कै घन घणेरा।

थे पाछा आओं ना नैणसुख जी !
डरै हैं म्हारो जीवड़ो, जीवड़ो !
थारी यादलड़ी री बादलड़ी रा मेघ बलम जी !
नैणा सँ बरसै मोकला, मोकला !

मारी बाली है उमर पीव जी,
थोड़ा सोचो हिवड़ै रा पावणा !
कैय्या बीतैली म्हारी जिंदड़ी।
थे पाछा आ ज्याओं देश बलम जी
रो-रो जोऊँ हूँ थारी बाटली,बाटली !