चुनाव बीता, आँगन खीसा रीता

जेशा किया चुनाव आयोग ए चुनाव रा एलान।
कार्यकरता ए शुरू किया पार्टी रा गुणगान ॥

कूण जीतदा एथे दा कूण जीतदा तेथेदा।
कोसकी बोणयो सरकार होंदा बेड़ा पार ॥

ऐशा चाला जी प्रचारो रा दौर।
घोरे नी होयी कोलोयी बी बौर ॥

रोज कुणिये ना कुणिये एशना आऊं ।
हाथ बी जोड़ों औरो लात बी छूइयो जाऊं॥

कुणिये आऊं दुसो कुणिये आऊं राति l
चुनाव मूंजी कुणिये ना पूछो धर्म ना जाति ll

रुपिया थमायो देखाओं चुनाव चिन्ह रा निशान l
दाव पांदी लाई दो अमीरों-गरीबों रा सम्मान ll

पार्टी का बुलियो नाम, बढ़िया भेटला दाम l
एजा कोरिया जरूर काम ना होली नामनि भाम ll

उकी पार्टी ज्यादा रकम देयो कोरो नी काम तमाम l
रातो रात कोरी दियों पहरेदारो रा बी बढ़िया इंतजाम ll

पोलिंग बूथ पांदी जुइयो ल्याओं उहड़े l
आखी देखियो डौराऊ वोट नी देया पुडडे ll

वायदा कोरियो पूरा, घोरे ओआ आपणे भीटा l
लायो सुरो री घीष मेड़ो पांदी नीचों का लीटा ll

ऐबे नी भेटदु कीछे से हारा बा उका जीता l
12 नवम्बर चुनाव बीता, आँगन खीसा रीता ll

विनोद कुमार
गांव-पभार,डाकघर-जामना,तहसील कमरऊ,जिला सिरमौर,हिमाचल प्रदेश-173029।