मोहन कूँ देखन कूँ

मोहन कूँ देखन कूँ, तरसि जातु मनुआँ;

देखन जसुमति न देत, गोद रखति गहिया !

दूर रखन कबहुँ चहति, प्रीति करति खुदिइ रहत;

डरति रहति उरहि रखति, गावत कछु रहिया !

थकति कबहुँ रुसति कबहुँ, नाचत थिरकत कबहुक;

चाहत चिर रूप लखन, व्यस्त कबहुँ रह मैया !

सृष्टि कौ सृष्टा कौ, द्रष्टा कौ देवन कौ;

श्याम रह्यौ मन मन कौ, प्यारौ कन्हैया !

सब तरंग बा के अंग, सकल अंग बा कौ रंग;

‘मधु’ खोवत नेत्र संग, हिय लें गलबहियाँ !